I gcomhthráth leis an Lá Idirnáisiúnta um Idirdhealú Ciníoch a Dhíothú, a dhéantar é a cheiliúradh ar an 21 Márta, beidh a fheachtas Fríthchiníochais TFI 2025 a reáchtáil ag Transport for Ireland (TFI) i mí an Mhárta.
Tá sé mar aidhm ag an bhfeachtas, dar teideal “Ar son an aontaithe”, aird a tharraingt ar an gcaoi a gcuirtear fáilte roimh éagsúlacht agus difríocht mar chuid de chreatlach líonra iompair phoiblí TFI na hÉireann.
Ag Transport for Ireland, táimid ar son gach duine a chur ar comhchéim, meas a léiriú dár ndifríochtaí, fáilte a chur roimh an éagsúlacht agus spás taistil níos sábháilte a chruthú do chách.
Níl aon áit don chiníochas sa saol agus níl aon áit don chiníochas ar iompar poiblí. Táimid ar son difear a dhéanamh agus táimid ar son an aontaithe!
Cuimsítear in ábhar cruthaitheach fheachtas na bliana seo roinnt paisinéirí agus ball foirne a bhfuil baint lárnach acu le líonra TFI. Tarlaíonn caidrimh fhiúntacha idir daoine ó gach cúlra agus pobal ar bhonn laethúil ar fud seirbhísí bus, traenach agus tram TFI agus cuirtear léargas air seo ar fáil leis an ábhar cruthaitheach.
I measc na n-oibritheoirí a mbíonn seirbhísí á reáchtáil acu ar son TFI tá Bus Éireann, Bus Átha Cliath, Go-Ahead Ireland, Iarnród Éireann, Luas, Nasc Áitiúil TFI chomh maith le Tacsaí.
Trí sheasamh le chéile lenár gcomhghleacaithe agus lenár gcustaiméirí iompair phoiblí, táimid ag iarraidh an teachtaireacht a chur in iúl go bhfuil fáilte roimh chách ar bord.
