Tá oibritheoirí iompair phoiblí le toirmeasc a chur ar iompar scútar leictreach ar chúiseanna sábháilteachta agus chun cuidiú leis an mbaol dócháin ar bord busanna agus traenacha a chosc. Áirítear leis sin na scútair siúd is féidir a fhilleadh nó a iompar, de réir doiciméad treorach arna fhoilsiú ag an Údarás Náisiúnta Iompair (ÚNI). https://www.nationaltransport.ie/publications/advice-note-on-the-carriage-of-e-scooters-on-public-transport/
Beidh éifeacht leis an srian ag tús mhí Dheireadh Fómhair. Bainfidh sé le scútair leictreacha ach ní le rothair leictreacha ná le scútair shoghluaisteachta. Is táirge réasúnta nua iad scútair leictreacha, agus ní raibh siad rialaithe in Éirinn go dtí le deireanas ag tús na bliana seo. Dá bhrí sin, níl an rialú cáilíochta ar thógáil scútar chomh haibí ná chomh forbartha le rothair leictreacha ná scútair shoghluaisteachta, atá rialaithe le tréimhse níos faide. Ní bhíonn an leibhéal céanna riosca ag baint leis na cadhnraí tástáilte ar rothair leictreacha agus ar scútair shoghluaisteachta.
Tá an srian faoi réir athbhreithniú tréimhsiúil ag an ÚNI agus ag na hoibritheoirí iompair.
Eascraíonn an treoir as imní shábháilteachta maidir le go leor cadhnraí ian litiam atá coitianta i ngléasanna den sórt sin. Is eol go mbíonn fabhtanna inmheánacha sna cadhnraí sin tar éis tamaill, rud a mbeidh róthéamh agus dóchán mar thoradh air. Dá bharr sin, bhí tinte agus deatach tiubh dubh le déanaí ar an gcóras iompair phoiblí i Maidrid agus in Barcelona.
Tá srianta cosúla i bhfeidhm cheana féin i mBeirlín, in Barcelona, agus sa RA.
Baineann an treoir seo le gach seirbhís a oibrítear faoi chonradh leis an ÚNI, lena n-áirítear Bus Átha Cliath, Bus Éireann, Go-Ahead Ireland, Iarnród Éireann agus Luas.
