Seirbhís aerfoirt úrnua.
Tabharfar 13 bhealach nua isteach lena bhfeabhsaítear nascacht i mBaile Átha Cliath agus i gCill Mhantáin thuaidh
Sheol an tÚdarás Náisiúnta Iompair (ÚNI), i gcomhar le Bus Átha Cliath agus Go-Ahead Ireland, an chéad chéim eile den Athdhearadh ar Líonra BusConnects i mBaile Átha Cliath inniu.
Cuirfear tús le hoibreacha Chéim 6a Dé Sathairn an 26 Eanáir agus tabharfar 13 bhealach nua isteach, dhá sheirbhís 24-uair an chloig nua ina measc, an E1 agus an E2.
Freastalóidh na bealaí nua a thabharfar isteach i gCéim 6a ar phobail idir Aerfort Bhaile Átha Cliath, Baile Átha Cliath thuaidh, lár na cathrach, Baile Átha Cliath theas, Dún Laoghaire agus Cill Mhantáin thuaidh, lena soláthraítear leibhéil seirbhíse níos fearr, roghanna iompair nua agus nascacht feabhsaithe thar an gcuid seo den líonra TFI.
Tá méadú de bhreis is 7% le teacht ar na leibhéil seirbhíse bus sna ceantair sin go ginearálta mar thoradh ar na hathruithe seo.
Rithfidh bealaí an chroíbhealaigh-E, E1 agus E2, de lá agus d’oíche, aduaidh ó Bhaile Munna trí lár na cathrach, go dtí Dún Laoghaire agus Bré/ Baile Bhaltraim ó dheas.
Feabhsaítear rochtain ar phríomhsheirbhísí le croíbhealach-E, lena n-áirítear coláistí tríú leibhéal, amhail UCD, TCU, DCU agus TUD, agus ospidéil amhail an Mater, an Rotunda, Sráid Temple agus Baile Uí Lachnáin.
Leis an E1 agus an E2 beidh 12 sheirbhís bhus 24/7 de chuid líonra bus TFI i mBaile Átha Cliath. Tá tabhairt isteach na seirbhísí ÚNI 24-uair i gcomhréir leis na moltaí ó Thascfhórsa Gheilleagair Oíche an Rialtais chun an réimse poiblí a fheabhsú agus réitigh iompair phoiblí a sholáthar i rith na hoíche. Mar thoradh air seo, beidh sé níos éasca do dhaoine iompar poiblí a roghnú chun dul ag obair nó chun bualadh lena chéile agus soláthrófar tacaíocht leis a bhfuil géarghá léi sa gheilleagar oíche.
Beidh bealach 19 nua, a rithfidh ó Aerfort Bhaile Átha Cliath, trí Bhaile Munna, ar aghaidh ar Wadelai, trí Dhroim Conrach agus ar aghaidh chuig lár chathair Bhaile Átha Cliath, mar chuid den chéim BusConnects seo.
Rithfidh an 19 gach 20 nóiméad den chuid is mó den lá agus gach 10 nóiméad idir Wadelai agus lár na cathrach ag buaicthréimhsí. Ón 26 Eanáir is é Cearnóg Parnell a bheidh mar cheann scríbe an 19 ar dtús, le trí sheirbhís mhaidin ag an mbuaicthréimhse le linn na seachtaine ag rith go Cearnóg Mhuirfean agus trí sheirbhís tráthnóna ag an mbuaicthréimhse le linn na seachtaine ag rith ó Chearnóg Mhuirfean. Tabharfar seirbhísí breise isteach go dtí Cearnóg Mhuirfean agus uaithi ón 4 Feabhra. Ó mhí na hAibreáin, rithfidh seirbhísí i rith an lae go Cearnóg Mhuirfean agus uaithi.
Soláthrófar nascacht leis an 19 go hAerfort Bhaile Átha Cliath ó cheantair lena n-áirítear Glas Naíon agus Baile Munna. Cé go bhfuil Aerfort Bhaile Átha Cliath i ndlúthghaireacht, beidh sé seo ar an gcéad uair go mbeidh ann do nasc díreach cosúil leis seo. Beidh an 19 an-úsáideach do dhaoine a mhaireann i mBaile Átha Cliath 9 agus 11, agus a oibríonn san aerfort, le seirbhísí ag rith ó mhoch na maidine go déanach san oíche.
Beidh ocht mbealach nua áitiúla á dtabhairt isteach mar chuid de Chéim 6a freisin. Sa líonra nua, dearadh na bealaí seo chun naisc a sholáthar le láir áitiúla agus le naisc iompair ar aghaidh. Ón 26 Eanáir, cuirfear an L1, L2, L3, L12, L14, L15, L26 agus L27 chun feidhme, lena soláthrófar seirbhísí nua agus nascacht nua, go háirithe i gceantair Bhaile Átha Cliath theas agus Chill Mhantáin thuaidh.
Dúirt Hugh Creegan, Príomhfheidhmeannach eatramhach an Údaráis Náisiúnta Iompair: “Le seoladh an lae inniu, léirítear ár ndúthracht maidir le córas iompair phoiblí níos nasctha, níos inrochtana agus níos iontaofa a chruthú, lena gcinntítear go bhfuil níos mó roghanna agus solúbthachta ag ár bpaisinéirí i dtaca lena dtaisteal laethúil.
“Tá leathnú ár seirbhísí de lá agus d’oíche agus feabhsú ár nascachta rí-thábhachtach chun tacú le daonra na hÉireann atá ag fás le roghanna iompair inmharthana agus éifeachtach.”
Dúirt Billy Hann, Príomhfheidhmeannach Bhus Átha Cliath: “Táimid ar bís fáilte a chur roimh an mbliain úr le seoladh seirbhísí a dhéanfaidh fíor-dhifear do chustaiméirí Bhus Átha Cliath ar fud na cathrach.
“Cabhróidh na bealaí E1 agus E2, a bheidh ag feidhmiú 24 uair an chloig sa lá, maidir le tacaíocht a thabhairt do gheilleagar oíche bríomhar Bhaile Átha Cliath.
“In éineacht leis an mBealach 19 nua, neartóidh na seirbhísí seo líonra iompair poiblí na cathrach a thuilleadh. Is cathair í Baile Átha Cliath a bhfuil feabhas ag teacht uirthi, agus leis an gcéad chéim eile seo de BusConnects, cumasaítear muid leanúint ar aghaidh maidir le baint lárnach a bheith againn comaitéirí agus cuairteoirí araon a nascadh, de lá agus d’oíche.”
Dúirt Dervla McKay, Stiúrthóir Bainistíochta Go-Ahead Ireland: “
“Tá Go-Ahead Ireland bródúil páirt a ghlacadh i seoladh Chéim 6A de BusConnects inniu, in éineacht lenár gcomhpháirtithe iompair.
“Le gach seirbhís nua a chuirtear le líonra iompar poiblí Bhaile Átha Cliath, spreagtar paisinéirí go leanúnach glacadh le modhanna iompair inmharthana ina saol laethúil.
“Tá Go-Ahead Ireland tiomanta dá ról chun iontaofacht agus inrochtaineacht líonra iompair phoiblí a chinntiú i mórcheantar Bhaile Átha Cliath, agus táimid ag súil leis na seirbhísí feabhsaithe a gheobhaidh ár bpaisinéirí mar thoradh ar Chéim 6A.”
Le haghaidh tuilleadh eolais, tabhairt cuairt ar: Leanfar le Céim 6a a chur i bhfeidhm an 26 Eanáir
