Tá flít de rothair leictreacha á nochtadh ag An Údarás Náisiúnta Iompair (ÚNI) inniu i gCorcaigh mar chuid den scéim TFI Bikes, rud ar céim shuntasach é i dtreo roghanna iompair inbhuanaithe agus inrochtana a fheabhsú sa chathair.
Is córas áisiúil féinseirbhíse rothar ar cíos é TFI Bikes atá ar fáil do dhaoine 14 bliana d’aois agus níos sine a bhfuil mar sé aidhm aige roghanna inbhuanaithe agus inrochtana a fheabhsú i gcathracha réigiúnacha.
Is féidir le cónaitheoirí agus le cuairteoirí araon rochtain éasca a fháil ar rothair le haghaidh comaitéireachta, imeachtaí sóisialta nó turasóireachta a bhuí le stáisiúin suite go straitéiseach ar fud na cathrach. Tá gach stáisiún TFI Bikes feistithe le críochfort agus seastáin lena gcuirtear rothair faoi ghlas agus lenar féidir rothair a fháil ar cíos. Is féidir rothair a thabhairt ar ais go háisiúil ag stáisiún ar bith laistigh den chathair.
Beidh na rothair leictreacha ar tugadh isteach le déanaí iad ar fáil tríd an Aip TFI Bike, rud a chuireann gnéithe tábhachtacha ar fáil d’úsáideoirí, amhail:
Leanfaidh na rothair leictreacha an struchtúr táille reatha de chuid TFI Bikes, lena n-áirítear ballraíocht, síntiús agus táillí cíosa. Cuirfear timpeall 100 rothar leictreacha chun feidhme i gcéimeanna, rud a chuirfidh rogha taistil éifeachtúil éiceabhách ar fud Chorcaí ar fáil d’úsáideoirí.
“Is céim thábhachtach é seoladh rothar leictreach i gCorcaigh chun roghanna taistil inbhuanaithe a fhorbairt i gcomhair cónaitheoirí agus cuairteoirí,” arsa Andreas Saul Rotne, Bainisteoir Sinsearach Tionscadail leis an ÚNI. “De bharr go bhfuil rothair leictreacha á n-imeascadh againn sa scéim TFI Bikes, beidh sé níos éasca do dhaoine roghanna iompair ghníomhaigh astaíochta ísle a roghnú dá dturais laethúla.”
Tá pleananna á bhfógairt ag an ÚNI an tionscnamh rothar leictreach de chuid TFI (TFI Bikes) a leathnú chuig Port Láirge, Luimneach agus Gaillimh sna míonna amach romhainn, rud lena dtreisítear a ghealltanas roghanna taistil ghníomhaigh a fheabhsú le haghaidh úsáideoirí ar fud na tíre.
Le haghaidh tuilleadh faisnéise, féach ar an suíomh gréasáin maidir leis an scéim TFI Bikes
