Cúig bhus hibrideacha nua á dtabhairt isteach ag ÚNI ar bhealach 139

Turas níos deise, níos glaine agus níos compordaí do phaisinéirí á chur ar fáil ag JJ Kavanagh & Sons.

Bainfidh paisinéirí ag taisteal ar Bhealach 139, a oibríonn idir Baile Bhlainséir agus an Nás, leas as cúig bhus hibrideacha úrscothacha, a tugadh isteach don bhealach an 4 Feabhra 2025.

Bealach Bus 139 ó Bhaile Bhlainséir go dtí an Nás atá á fheidhmiú ag Kavanagh & Sons

Léiríonn an t-infheistiú sin tiomantas ÚNI chun seirbhísí iompair phoiblí atá inbhuanaitheach agus inrochtaineach a sholáthar.

Inrochtaineacht fheabhsaithe le dearadh nua a bhfuil deic shingil agus urlár íseal ann

Tá na busanna sin, atá á bhfeidhmiú ag JJ Kavanagh & Sons, feabhsaithe de bharr deic shingil agus urlár íseal chun turas níos deise, níos glaine agus níos compordaí a chur ar fáil do phaisinéirí. Cuireann siad inrochtaineacht fheabhsaithe do chathaoireacha rotha ar fáil, rud a dhéanfaidh iompar poiblí níos ionchuimsithí do na húsáideoirí uile.

Nascann Bealach 139 príomhchinn scríbe, lena n-áirítear IT Bhaile Bhlainséir, Ollscoile Mhá Nuad, Ospidéal an Náis agus an iliomad seirbhísí bus agus iarnróid, rud a éascóidh naisc ar aghaidh gan fadhb.

[Photo]

Turais níos minice agus níos neamhdhíobhálaí don timpeallacht a éascú

Mar thoradh ar thabhairt isteach busanna hibrideacha, tacaítear le toilleadh méadaithe ar feadh an bhealaigh, rud a éascóidh turais níos minice agus níos neamhdhíobhálaí don timpeallacht. Cuireann an t-infheistiú sin le fás iontach i líon na bpaisinéirí, a raibh méadú de 45% ar idir 2023 agus 2024.

Mar fhreagairt ar níos mó éilimh, rinneadh an tseirbhís a mhéadú faoi dhó in Aibreán 2024, rud a chuireann le tóir ar Bhealach 139 mar rogha do chomaitéirí, mic léinn agus cuairteoirí.

Glacann an tseirbhís le TFI Leap agus le híocaíochtaí airgid thirim do tháillí daoine fásta, daoine óga agus páistí. Is féidir le sealbhóirí Pas Saorthaistil leas a bhaint as an tseirbhís sin freisin.

Dúirt Paul Kavanagh, Stiúrthóir bainistíochta ar JJ Kavanagh & Sons: “Ag JJ Kavanagh is é ár dtuairim gur cheart go mbeadh iompar poiblí inrochtaineach do chách, daoine a bhfuil dúshláin i dtaobh soghluaisteachta acu ina measc, agus go bhfuil inbhuanaitheacht ríthábhachtach dár dtodhchaí. Tá an t-infheistiú sin ina léiriú ar ár dtiomantas chun freastal ar riachtanais an phobail, ach anuas air sin, chun an bealach a dhéanamh réidh chun domhan níos glaise a bhaint amach.”

Le haghaidh tuilleadh eolais maidir le seirbhís agus sceidil ar Bhealach 139, tabhair cuairt ar:

Bealach 139 An Nás go Baile Bhlainséir – ag Transport for Ireland