Tugann Rialachán (CE) Uimh. 1371/2007 ó Pharlaimint na hEorpa agus ón gComhairle an 23 Deireadh Fómhair 2007 maidir le cearta agus oibleagáidí paisinéirí iarnróid na cearta seo a leanas do dhaoine faoi mhíchumas agus do dhaoine a bhfuil a soghluaisteacht laghdaithe:
In Éirinn, is é an tÚdarás Náisiúnta Iompar an Comhlacht Forfheidhmithe Náisiúnta don Rialachán.
Ritheann Iarnród Éireann seirbhísí cathracha agus comaitéara i mBaile Átha Cliath agus i gCorcaigh chomh maith le seirbhísí idirchathracha ar fud na hÉireann.
Is féidir glao a chur ar Iarnród Éireann anseo ( 7am – 7pm laethanta na seachtaine, 8am – 6pm deireadh seachtainí, 10am – 6pm an Domhnach agus Laethanta Saoire Poiblí) nó téigh i dteagmháil le do stáisiún áitiúil má tá cúnamh ag teastáil uair ar sheirbhísí Iarnród Éireann.
Tá níos mó eolais ar fáil ar suíomh gréasáin Iarnród Éireann.
Faoi Acht um Míchumas, 2005, ceanglaítear ar gach Oifig Rialtais Oifigeach Rochtana amháin nó níos mó a cheapadh. Teastaíonn uainn in Iarnród Éireann seirbhís chabhrach agus shábháilte a sholáthar do gach paisinéir.
Bíonn cuid dár bpaisinéirí faoi mhíchumas agus ní i gcónaí a bhíonn gach míchumas infheicthe. Tá oiliúint curtha ar gach ball foirne againn chun cúnamh ar an gcaighdeán is airde a thabhairt nuair a iarrtar air.
Is féidir teagmháil a dhéanamh le hOifigeach Rochtana Iarnród Éireann –ó na sonraí atá luaite anseo: Inrochtaineacht Iarnród Éireann – Oifigeach Rochtana
Déanaimid ár ndícheall in Iarnród Éireann cúnamh a thabhairt dár gcustaiméirí atá faoi mhíchumas a bheith in ann taisteal ar ár gcuid seirbhísí iarnróid.
Treoir do Phaisinéirí Iarnróid faoi Mhíchumas, 2020 (PDF 397KB)
Sa chuid seo, tá breac-chuntas ar fáil ar ár mbeartas inrochtaineachta maidir le seirbhísí idirchathracha agus comaitéireachta mar atá liostaithe thíos:
Nuair a atá sé beartaithe agat taisteal ar an traein, nuair is féidir, cuir in iúl dúinn roimh ré na riachtanais taistil atá agat ionas gur féidir socruithe a dhéanamh ionas go mbeidh an turas chomh compordach agus is féidir. Sa chás nach bhfuil tú in ann dul i dteagmháil linn, déanfaimid ár ndícheall chun cúnamh a chur ar fáil.
Bainfidh ár bhfoireann úsáid as rampaí chun cabhrú leat dul ar bord nó ná traenacha a fhágáil más gá. I gcás na stáisiún thíos, tá fógra uair an chloig ag teastáil chun a chinntiú gur féidir baill foirne a chur ar fáil chun cabhrú leat ar nó den do sheirbhís.
Ní mór fógra 24 uair an chloig a thabhairt do gach stáisiún eile chun a chinntiú gur féidir baill foirne a chur ar fáil chun cabhrú leat ar nó den do sheirbhís.
Tá bearna idir an t-ardán agus na carráistí i roinnt stáisiúin a d’fhéadfadh deacrachtaí a chruthú do dhaoine a bhfuil lagú radhairc orthu nó a bhfuil laga gluaiseachta acu agus d’fhéadfadh sé go mbeadh cúnamh ag teastáil nuair a théann tú ar bord na traenach nó amach as an traein.
Dá mhéad eolais atá againn faoin gcúnamh ar leith a theastaíonn uait, is amhlaidh is fearr a bheimid in ann an cúnamh cuí a chur ar fáil duit.
Agus tú ag dul i dteagmháil linn, tabhair na sonraí seo a leanas dúinn le do thoil:
Más gá duit turas a chur ar ceal a bhfuil socruithe speisialta déanta ina leith, cuir in iúl dúinn ionas gur féidir leis an fhoireann a chur ar fáil chun cabhrú le daoine eile.
Chruthaigh NOW Group an Jam Card. Is gnóthas sóisialta é a thacaíonn le daoine a bhfuil deacrachtaí foghlama agus uathachas orthu chun poist le todhchaí a fháil. Dúirt úsáideoirí a sheirbhíse gur mian leo cur in iúil do dhaoine go dteastaíonn beagáinín ama breise nó foighne uathu.
Foghlaim tuilleadh maidir le NOW Group ag nowgroup.org agus JAM Card ag jamcard.org.
Dóibh sin le deacracht foghlama, uathachas, siondróm Asperger nó aon riocht orthu ina féidir go mbeidh bac ar chumarsáid, ceadaíonn JAM Card d’úsáideoirí cur in iúil do dhaoine eile go dteastaíonn beagáinín ama breise ar bhealach neamhbhriathartha simplí éifeachtach. Bíonn JAM Card úsáideach san iompar poiblí, i dtimpeallacht mhiondíola nó timpeallacht chustaiméara eile.
Tá 3 rogha teachtaireachtaí ann le roghnú:
Is féidir leat do JAM Card a fháil ó stáisiúin traenach Iarnród Éireann agus ar líne - ag an nasc seo a leanas:
JAM Card - Transport for Ireland
Is féidir leat JAM Card a fháil ag ceann de na stáisiúin seo a leanas;
Stáisiún Uí Chonghaile, Baile Átha Cliath
Stáisiún na bPiarsach, Baile Átha Cliath
Stáisiún Heuston, Baile Átha Cliath
Stáisiún Cheannt, Corcaigh
Stáisiún Cheannt, Gaillimh
Stáisiún Cholbaird, Luimneach
Stáisiún Phluincéid, Port Láirge
Stáisiún Mhic Dhiarmada, Sligeach
Tá spásanna páirceála sainithe i ngach uile charrchlós inár stáisiúin do shealbhóirí Cárta Páirceála na hEorpa. Cuirtear ar fáil iad i suíomh áisiúil duit ar dhromchla coincréite nó tarra, le colbhaí íslithe agus cosáin neamhshleamhna, nuair is cuí. Chun tuilleadh eolais maidir le hinrochtaineacht stáisiúin a fheiceáil féach ar leathanaigh thiomnaithe stáisiúin.
Tá teorainn leis an líon spásanna inrochtana do chathaoireacha rothaí ar gach traein, agus mar sin tá sé tábhachtach go gcuirfidh tú do spás in áirithe roimh ré.
Is féidir linn freastal ar chathaoireacha rothaí nó scútair chumhachtaithe suas le 700mm ar leithead agus 1200 mm ar fad (na cosphlátaí san áireamh), airde 1435mm agus an t-úsáideoir san áireamh, meáchan uasta de 300kg agus an t-úsáideoir san áireamh, agus ga casadh de 900mm.
Ar mhaithe le compord na gcustaiméirí ar fad, ní mór Siúladáin Rothaí a fhilleadh agus a stóráil sna racaí bagáiste. Sa chás go bhfuil tú ag taisteal le sorcóir ocsaigine, cuir glao orainn le do thoil ar 0818 366222 le cúnamh oiriúnach agus leagan amach na suíochán a shocrú.
Ar chúiseanna sábháilteachta, má tá do chathaoir rothaí nó scútar soghluaisteachta níos mó ná na toisí ceadaithe, ní féidir linn glacadh leis ar bord ar eagla nach mbeidh sé in ann cúinní a chasadh ar bord na traenach.
De réir mar a thagann scútair i réimse leathan cruthanna agus méideanna, bíonn fadhbanna ag go leor acu ar thraenacha, mar shampla ní bhíonn roinnt díobh in ann gluaiseacht go sábháilte laistigh de charráiste. Mar gheall ar na fadhbanna sin, fágtar nach bhfuiltear in ann scútair áirithe a iompar ar roinnt traenacha, agus más úsáideoir scútar thú a theastaíonn uait taisteal ar iarnród, ba chóir duit dul i dteagmháil leis an stáisiún chun a chinntiú gur féidir leis an traein freastal ar do scútar.
Geallann Iarnród Éireann gach iarracht réasúnach a dhéanamh lena chinntiú gur féidir le paisinéirí faoi mhíchumas suíochán a fháil ar thraein. Is féidir suíocháin a chur in áirithe ar líne www.irishrail.ie. De ghnáth, Suíochán Tosaíochta ainmnithe a bheadh i gceist leis seo.
Cuirtear fáilte roimh mhadraí treoracha nó cuidithe ar bord sheirbhísí uile Iarnród Éireann agus i stáisiúin traenach chomh maith.
Tá an carráiste Níos Ciúine tugtha isteach arís ar gach seirbhís ó Heuston go Corcaigh chun seirbhísí a fheabhsú do chustaiméirí a bhfuil fadhbanna céadfacha acu, agus tar éis aiseolas ón bpobal.
Féadfar an carráiste Níos Ciúine (carráiste G) a chur in áirithe ar líne den chéad uair anois agus tá an carráiste marcáilte go soiléir le brandáil corcra agus tú á chur in áirithe ar líne agus freisin ar an taobh amuigh den charráiste agus tú ag bordáil.
Le haghaidh tuilleadh sonraí feic an rannán Ceisteanna Coitianta nó ár scéal nuachta faoi charráiste Níos Ciúine.
