Cuirtear faisnéis ginearálta ar fáil ar shuíomh gréasáin Transport for Ireland maidir le conas is féidir le daoine faoi mhíchumas taisteal go sábháilte go hÉirinn, ó Éirinn agus laistigh di. Cuirtear naisc chuig suíomhanna gréasán eile ar fáil freisin, ar a bhfuil eolas níos sonraithe orthu.
Iarracht leanúnach atá i gceist le taisteal inrochtana chun a chinntiú go gcuireann gach oibritheoir rochtain shábháilte, inrochtana agus chairdiúil ar fáil dá gcuid paisinéirí go léir, beag beann ar a n-aois nó a míchumais éagsúla. Tá sé indéanta anois do thuras a leagan amach sula gcuireann tú tús leis. Is é an Pleanálaí Turais I TFI an t-aon phleanálaí bealaigh ‘ó dhoras go doras’ atá ar fáil in Éirinn agus leis an tseirbhís léirítear freisin má tá an modh iompair oiriúnach do chathaoireacha rothaí.
Más gá duit teagmháil a dhéanamh lenár nOifigeach Rochtana, déan teagmháil le accessibility@nationaltransport.ie
Tá an tAire Iompair freagrach as beartas agus as maoiniú foriomlán maidir le hiompar poiblí. Is féidir féachaint ar bheartas an Aire maidir le hiompar poiblí, lena n-áirítear iompar poiblí inrochtana, ar an Roinn Iompair
Le cúnamh Dé ní bheidh aon deacracht agat ag taisteal go hÉirinn, ó Éirinn nó laistigh di.
Má bhíonn aon fhadhb agat ba chóir duit dul i dteagmháil go díreach leis an oibritheoir iompair. Mura bhfuil tú sásta le toradh do ghearáin, is féidir leat dul i dteagmháil le hOifig an Ombudsman.
