Is féidir leat turas rothair a phleanáil trí úsáid a bhaint as TFI Journey Planner.
Leanann an tÚdarás Náisiúnta Iompair de thacaíocht a thabhairt d’fheabhsúcháin fhisiceacha ar an timpeallacht siúil agus rothaíochta trína Chlár Deontas do Bhearta Iompair Inbhuanaithe.
Córas féinseirbhíse le haghaidh rothair a fháil ar cíos is ea Dublinbikes. Tá sé ar fáil d’aon duine atá 14 bliana d’aois nó níos sine.
Tá 15 sheastán ar a laghad ag gach stáisiún rothar. Is féidir leat taisteal go héasca ar fud na cathrach ar do luas féin nuair a úsáideann tú an tseirbhís seo.
Is féidir leat rothar de chuid dublinbikes a fháil ar cíos trí thicéad 1 lae nó ticéad 3-lá a cheannach nó trí shíntiús Bliana a ghlacadh.
Is féidir TFI Leap Card a úsáid le dublinbikes. Tabhair do d’aire gur féidir leat TFI Leap Card NÓ cárta dublinbikes a úsáid; ach ní féidir leat níos mó ná cárta amháin a nascadh le do chuntas.
Le haghaidh tuilleadh eolais, téigh chuig dublinbike.ie.
Córas féinseirbhíse le haghaidh rothair a fháil ar cíos is ea TFI Bikes agus tá an tseirbhís seo ar fáil sna cathracha seo a leanas: Corcaigh, Luimneach agus Gaillimh. Tá sé ar fáil d’aon duine atá 14 bliana d’aois nó níos sine.
Tá stáisiúin rothar suite in áiteanna áisiúla ar fud gach cathrach agus tá teirminéal agus seastáin do na rothair ag gach stáisiún.
Tá táille €10 ar shíntiús bliana agus gheobhaidh tú cárta TFI Bikes air sin. Mura bhfuil ach ticéad gearrthéarmach uait nó más cuairteoir tú, is féidir leat ticéad áisiúil 3 lá a cheannach ach is ar líne amháin atá sé sin ar fáil.
Nuair a fhaigheann tú rothar ar cíos, ní ghearrtar aon táille ort as an gcéad 30 nóiméad ach tar éis an 30 nóiméad sin tagann táillí seirbhíse i bhfeidhm.
Le haghaidh tuilleadh eolais, téigh chuig www.bikeshare.ie.
Má thugann tú cuairt ar Chorcaigh, Luimneach, Gaillimh nó Baile Átha Cliath, is féidir leat ticéad trí lá TFI Bikes nó dublinbikes a cheannach. Agus an ticéad sin agat, beidh tú in ann seirbhísí comhroinnte rothar a úsáid sa chathair gan gá síntiús bliana a ghlacadh.
Tá táille €3 ar thicéad 3 lá TFI Bikes
Tá táille €5 ar thicéad 3 lá dublinbikes
